និយាយក្នុងកិច្ចសម្ភាសន៍ជាមួយ Billboard កាលពីម្សិលមិញតារាចម្រៀងប៉ុប Selena Gomez បានទម្លាយឲ្យដឹងថា នាងកំពុងស្ថិតក្រោមការព្យាបាលដោយសារធាតុគីមី បន្ទាប់ពីពិនិត្យឃើញមានជំងឺ សើស្បែក។
តារាវ័យ២៣ឆ្នាំបានពិនិត្យឃើញមានជំងឺមួយនេះតាំងពីឆ្នាំ២០១៣។ នេះជាហេតុផលមួយដែល Selena បានរំសាយការប្រគំតន្ត្រីទេសចរណ៍នៅអូស្ត្រាលីនិងអាស៊ីកាលពីខែធ្នូ ឆ្នាំ២០១៣ ប៉ុន្តែពេលនោះនាងមិនបានប្រាប់ហេតុផលពិតប្រាកដពីការរំសាយទៅអ្នកគាំទ្រឡើយ។ យ៉ាងណាក្ដីមានប្រភពមួយបានបង្ហាញថា នាងប្រហែលមានជំងឺសើស្បែក ។
ទើបតែកិច្ចសម្ភាសន៍ជាមួយ Billboard អតីតមិត្តស្រីរបស់ Justin Bieber រូបនេះថ្លែងការពិតថា៖ “នេះគឺជារឿងពិតដែលខ្ញុំលុបចោលការប្រគំតន្ត្រី ព្រោះពេលនោះខ្ញុំអាចនឹងមានជំងឺដាច់សរសៃឈាមខួរក្បាល”។
ទន្ទឹមនឹងនេះដែរ នៅថ្ងៃសុក្រនេះ Selena Gomez នឹងចេញអាល់ប៊ុមចម្រៀងទោលទី២របស់ខ្លួនដែលមានចំណងជើងថា Revival បន្ទាប់ពីបានបង្ហោះរួបស្រាតលើ Instagram ដើម្បីផ្សព្វផ្សាយនាពេលកន្លងទៅ ៕
