អតីតកីឡាករបាល់បោះចិនម្នាក់បានលះបង់អាជីពរបស់ខ្លួនមកធ្វើជាសន្តិសុខយាមកាមសុវត្ថិភាពប្រជាជន។ នារីៗមិនតិចនាក់ទេបានលង់ស្នេហ៍ដោយសារតែរាងខ្ពស់សង្ហារ និងសម្រស់ដ៏ទាក់ទាញរបស់សន្តិសុខរូបនោះ។
សន្តិសុខកម្លោះ វ័យ៣៣ឆ្នាំ កម្ពស់២,១០ម៉ែត្រខាងលើនោះ ឈ្មោះ Xie Zhiming ជាអតីតកីឡាករបាល់បោះរបស់ក្រុមគោមាស Zhejiang ។ ដោយមានចិត្តស្រលាញ់ខាងវិស័យយោធាជាងកីឡា លោក Xie បានលាឈប់ពីវិស័យបាល់បោះ និងមកធ្វើជាសន្តិសុខនៅឯស្រុកកំណើតខ្លួនក្នុងក្រុង ជីណាន ខេត្តសានទុងវិញ។
លោក Xie សព្វថ្ងៃមានតួនាទីយាមផ្លូវ និងពិនិត្យមើលសន្តិសុខសណ្ដាប់ធ្នាប់នៅកន្លែងទីប្រជុំជននានាក្នុងក្រុង។ នារីៗមិនតិចនាក់ទេឲ្យតែបានឃើញ Xie តែងតែសុំបុរសរាងស្អាតកម្ពស់ខ្ពស់នោះថតរូបជាមួយជានិច្ច ដូចឃើញក្នុងរូបភាពស្រាប់៕
