ក្រុមហ៊ុន HP បានបង្ហាញពីកុំព្យូទ័រថ្មីដែលមានការរចនារូបរាងបែបងងឹត ស្រដៀងគ្នានឹងគោលគំនិតនៃខ្សែភាពយន្ត Star Wars ដែរ។
ដោយសារតែកុំព្យូទ័រនេះរចនារូបរាងតាមគោលគំនិតនៃរឿង Star Wars ទើបគេដាក់ឈ្មោះកុំព្យូទ័រនេះថា HP Star Wars។ មិនត្រឹមតែការរចនារូបរាងប៉ុណ្ណោះទេ គេក៏បានបន្ថែមជាសំឡេងមួយចំនួន ដែលធ្វើឲ្យអ្នកប្រើប្រាស់កាន់តែមានអារម្មណ៍ថាខ្លួនកំពុងស្ថិតនៅក្នុងសាច់រឿង Star Wars។
ក្រៅពីការរចនារូបរាងប្លែក កុំព្យូទ័រនេះក៏មានបំពាក់នូវ CPU ប្រភេទ Core-i5 និង Core-i7 ព្រមទាំងមានទំហំផ្ទុកទិន្នន័យដល់ទៅ 2TB និងមាន RAM ទំហំ 12GB ផងដែរ។ ចំពោះអេក្រង់វិញគឺមានទំហំ ១៥,៦អ៊ីញ កម្រិត HD 1080p ដែលបង្ហាញរូបភាពបានច្បាស់ល្អ និងជាប្រភេទអេក្រង់ Touch Screen។
កុំព្យូទ័រ HP Star Wars នេះនឹងមានដាក់លក់លើទីផ្សារបរទេសនាថ្ងៃទី៨ខែវិច្ឆិកាខាងមុខនេះហើយ ដោយមានតម្លៃចាប់ពី ៦៩៩,៩៩ដុល្លារឡើងទៅ៕
