សមាជិកក្រុមអន្ធពាលម្នាក់ដែលត្រូវគេស្គាល់ថា បានបោកប្រាស់ក្រុមចម្រៀងនារីកូរ៉េ T-ara ដោយបានសន្យាថា នឹងប្រារព្ធធ្វើការប្រគំតន្ត្រីឲ្យពួកគេត្រូវបានចាប់ខ្លួនហើយកាលពីថ្ងៃទី ៧ ខែតុលាកន្លងទៅ។
យោងតាមសម្ដីរបស់ប៉ូលិស កាលពីខែ កក្កដា ឆ្នាំ ២០១៣ លោក Jung បានប្រាប់ប្រធានក្រុមហ៊ុន T-ara (Core Contents Media) នៅពេលនោះថា លោកនឹងជួយពួកគេរៀបចំការប្រគំតន្ត្រីមួយនៅប្រទេសជប៉ុន ក្នុងតម្លៃ ២០០ លានវ៉ុន ( ១៧ម៉ឺនដុល្លារ)។ យ៉ាងណាមិញ ការប្រគំតន្ត្រីនោះមិនបានកើតឡើងឡើយ ហើយក្រុមហ៊ុនរបស់ T-ara ត្រូវគេបោកអស់ប្រាក់រាប់សិបម៉ឺនដុល្លារ។
បន្ទាប់ពីចុះបង្កប់ខ្លួនអស់រយៈពេល ៤ ថ្ងៃ លោក Jung នៅទីបញ្ចប់ត្រូវបានគេចាប់ខ្លួននៅតំបន់ Nonhyun-dong ទីក្រុងសេអ៊ូល។
ភ្នាក់ងារប៉ូលិសមួយរូបបានប្រាប់ថា “នៅពេលនេះ យើងបានដោះលែងគាត់ជាបណ្ដោះអាសន្ន ដើម្បីធ្វើការអង្កេតពាក់ព័ន្ធនឹងករណីតទៅមុខទៀត។ យើងមានគម្រោងនឹងបង្ហាញពីទោសឧក្រិដ្ឋរបស់គាត់ក្នុងការអង្កេតនៅពេលខាងមុខ”៕
